Eldri fréttir

Byggingarbomban Kostur 8,53.

2009.07.14: Kostur Sunnu og Illingssonur fór í feikna byggingardóm um daginn, 8,53 fyrir byggingu. Gaman verður að fylgjast með Illingi sem jú er á leið á HM.

                                   Guðberg frá Skagaströnd 2 v.                  Smáralind frá Skagaströnd 4 v.                                  

2009.07.09: Guðberg er 2. vetra stóðhestefni undan Þyrlu Sunnudóttur og Smára frá Skagaströnd. Guðberg er núna í hryssum fyrir norðan og sinnir skyldustörfum vel. Sá jarpi er mjög geðgóður og hreyfingafallegur foli og hann sýnir mikinn gang enda eru töltmaskínur bakvið hann beggja megin. Önnur Smáradóttir frá okkur, hún Smáralind frá Skagaströnd 4 v. fór í fyrstu verðlaun um daginn sýnd af Erlingi Erlingssyni.

Klakinn frá Skagaströnd

2009.07.09: Á dögunum fæddist mjög flottur brúnskjóttur hestur undan Sunnu okkar og Álfi frá Selfossi. Hann heitir Klakinn frá Skagaströnd og þegar er búið að panta hann í hryssur.

Sunna frá Skagaströnd                                                   Þorlfríður frá Skagastönd

19.04.2009: Unghryssur á húsi. Hérna eru þær Sunna og Þorlfríður Sunnudætur frá Skagaströnd. Sunna er alsystir Þjóðar frá Skagaströnd u. Orra frá Þúfu. Þorlfríður er veturgömul hryssa undan glæsihestinum Hnokka frá Fellskoti. Báðar hryssurnar eru mjög skemmtilegar og geðgóðar og Þorlfríður sýnir feikna takta núna þegar.

20.11.2008: Þjóðhátíð komin út. Fengum þessar myndir sendar frá eiganda Þjóðhátíðar frá Skagaströnd sem var seld í vor. Hún er núna komin út á nýjar heimaslóðir í Svíþjóð hjá Maríu Hedin og fjölskyldu.
Við óskum þeim góðs gengi með þetta spennandi mertryppi u. Baug frá Víðinesi og Þjóð frá Skagaströnd.

Mikill töffari!

20.11.2008: Góð fyljun hjá Kompás. Kompás frá Skagaströnd u. Hágangi og Sunnu var í hryssum á Efri-Mýrum í sumar og útkoman nánast 100%.

Prúðleiki í lagi.

2008-07-12: Nýjar myndir af Kvisti frá LM undir MYNDIR. Nýtt albúm þar. Kvistur hækkaði á Landsmótinu í 8,79 fyrir hæfileika. 9,0 fyrir tölt, brokk, skeið & vilja og geðslag.  8,26 fyrir byggingu og 8,79 fyrir hæfileika.
Aðaleinkunn 8,58 og annað sætið í flokki 5. vetra stóðhesta. Margar af bestu ræktunarhryssum landsins eru hjá Kvisti t.d. Auðna frá Höfða, Fjöður frá Ingólfshvoli, Hending frá Úlfsstöðum, Perla frá Ölvaldsstöðum, Sóley frá Lundum, Fjörgin frá Kjarnholtum, Lukka frá Búlandi auk Landsmótshryssna eins og Telma frá Reykjavík og Birta frá Úlfsstöðum.

Kompás með dömurnar sínar. Faðir Kompás Hágangur frá Narfastöðum hlaut 1. verðlaun fyrir afkvæmi á Landsmótinu.

2008-07-12: Kompás í sumarfíling. Kompás frá Skagaströnd er kominn á heimaslóðir. Hann er núna í hryssum hjá Söndru & Ragga á Efri-Mýrum í Húnavatnssýslu. Kompás er 2 vetra stóðhestur undan Hágangi frá Narfastöðum (1. verðlaun fyrir afkvæmi) og stoltið okkar Sunnu frá Akranesi.

Mynd: www.foli.is

2008-06-10: Kvistur hækkar og hækkar. Kvistur var sýndur á Sörlastöðum í dag og hann hækkaði um 26 kommur. Úr 8,29 í 8,55 í aðaleinkunn. Kvistur hlaut sjö níur. Fyrir bak og lend, samræmi, prúðleika, tölt, brokk, skeið og vilja. Kvistur er efstur inn á Landsmót í flokki 5. vetra stóðhesta.

2008-06-09: Kvistafkvæmin. Afkvæmi Kvists eru að koma í heiminn um þessar mundir. Hérna fyrir ovan er svartblesóttur, leistóttur hestur undan Kvisti og Sól. Augljóst að Kvistur ber blesótta/slettuskjótta genið með sér.

2008-05-15: Kostur frá Skagaströnd f. 2004 F. Illingur frá Toftum M. Sunna frá Akranesi verður í hryssum á Hléskógum í Eyjafirði í sumar. Frekari upplýsingar veitir Guðbergur Eyjólfsson í síma: 863-3112

SELD TIL SVÍÞJÓÐAR/SOLD TO SWEDEN

F: Baugur frá Viðinesi, 8.48 tot. BLUP 121 FF: Hróður frá Refsstöðum 8,39 tot. BLUP 125.  FFF: Kolfinnur frá Kjarnholtum 8,45 tot. BLUP 116.
M: Þjóð frá Skagaströnd 8,34 tot. ( 4-year old)  BLUP 127. MF: Orri frá Þúfu 8,34 tot. BLUP 127. MM: Sunna frá Akranesi, 8,16 tot. BLUP 115.

**********************************************************************************************************

2008-05-03: Frábærlega ættuð unghryssa til sölu. Þjóðhátíð frá Skagaströnd. Fædd 2007. Brúnskjótt. Háfætt og stór með flottar hreyfingar. Ættin bakvið þessa veturgamla hryssu er frábær og BLUP er í kringum 124-125. Allir muna eftir móðurina Þjóð frá Skagaströnd sem var hæst dæmda 4 v. hryssan á landinu fyrir LM 2006. Þetta er tækifæri fyrir þá sem vilja fjárfesta í frambærilega framtíða kynbótahryssu.
Meira um Þjóð er að finna HÉR.

Frekari upplýsingar um Þjóðhátíð veitir Sandra Marin, sími: 898-05 41.

2008-05-03: Filly with a fantastic pedigree for sale. Þjóðhátíð frá Skagaströnd. Born 2007. Black pinto. Big and elegant with good movements. This filly has a extremely good pedigree and with a BLUP around 124-125 she is a very intresting breeding prospect for the future. Her mother Þjóð frá Skagaströnd was the highest judged 4 year old mare in Iceland before Landsmót 2006.
More about Þjóð is to find HERE.

For more information about Þjóðhátíð please contact Sandra Marin Gsm: + 354 898-05 41.

Snorri Kvistssonur

2008-03-20: Nýjar myndir. Sjá nýtt myndalbúm undir myndir og video af Kompás hérna.

2008-03-02: Kvistur & Elli í góðu formi.
Kvistur er í þjálfun hjá Erlingi og Viðju í Langholti. Þjálfunin gengur vel og þessar myndir voru teknar af þeim félögum um daginn. Tölt, brokk & skeið. Faxpruður & flottur! Smellið á myndirnar til að sjá þær stærri.

Myndir: Óðinn Örn/www.foli.is

2007-12-10: Kveðja að norðan.
Fengum skemmtilegar myndir & kveðjur frá Guðbergi Eyjólfssyni á Hléskógum, rétt við Grenivík.
Guðbergur keypti Þotu frá Skagaströnd af okkur fyrir tveimum árum, keppti á henni í A-flokki gæðinga á Landsmóti 2006 og er núna með hana í ræktun hjá sér.
Einnig var Kostur frá Skagaströnd hjá honum í fyrra sumar.
Á myndunum neðan er Þota, rétt fyrir köstun en hún kastaði við Bjarma frá Lundum og í sumar var henni haldið undir Kraft frá Efri-Þverá.
Svo er það vindótta hryssan Ósk frá Steinum með Dropa frá Hléskógum u. Kost frá Skagaströnd.
Kostur er núna í tamningu hjá Erlingi & Viðju í Langholti. 

 

2007-12-02: Sunnukvistir ræktunarbú ársins í A-Hún.
Í gær var haldin uppskeruhátíð búgreinafélaganna á Blönduósi.
Mikið stuð og skemmtilegt kvöld! Sunnukvistir var valið ræktunarbú ársins í
Austur-Húnavatnssýslu. Þrjú hross voru sýnd á árinu, Kvistur (4v.), Þökk (6v.) og Þruma (7v.).
Öll undan Sunnu frá Akranesi og öll í fyrstu verðlaun. Meðaleinkunn er 8,14.
Einnig voru Kvistur og Þruma efst í sínum flokkum og voru verðlaunuð sérstaklega fyrir.
Þruma var hæst dæmda kynbótahrossið í A-Hún. með 8,27 í aðaleinkunn. 
Myndir eru á myndasíðunni.

 

2007-10-16: Tilnefning
Skagaströnd/Sveinn Ingi Grímsson hefur verið tilnefndur ræktunarbú ársins 2007.
Sjá frétt hér.

2007-10-03: Kjalar með heimasíðu
2005 seldum við svartskjótta stóðhestinn Kjalar frá Skagaströnd til Kanada.
Kjalar er kominn með heimasíðu hjá nýjum eigendum og má kíkja á hana hér.

Og hérna má sjá flottar og skemmtilegar myndir af kappanum í sérstöku myndsafni.


Mynd: © Aud Fisher